Strydoedd Chwarae

Rydym wrth ein bodd gyda strydoedd chwarae! Prun ai ydych chi'n cau eich stryd i'r traffig am un tro yn unig, neu'n gwneud hynny'n rheolaidd, maen nhw'n ffordd bleserus o greu ychydig oriau pan fydd plant ac oedolion yn gallu chwarae a chymdeithasu o flaen eu fflatiau a'u tai heb orfod poeni am y traffig.

Mae llawer o dystiolaeth i gefnogi buddion strydoedd chwarae, gydag iechyd, hapusrwydd ac ymdeimlad o berthyn wrth galon eu heffeithiau cadarnhaol ar blant a chymunedau.

Trwy lwc, mae Cyngor Bwrdeistref Sirol Pen-y-bont ar Ogwr wedi'i gwneud hi'n hawdd iawn i chi drefnu stryd chwarae eich hun, ac mae cyfoeth o wybodaeth ar wefannau Chwarae Cymru a Chwarae Allan. Mae hyn yn cynnwys gweminarau ac erthyglau am fuddion i blant, templedi llythyron, gwahoddiadau, asesiadau risg a llawer mwy.