Fforwm cyllidebau ysgolion

Sefydlwyd Fforwm Cyllidebau Ysgolion Pen-y-bont ar Ogwr ym mis Rhagfyr 2003, yn unol â ‘Rheoliadau Fforymau Ysgolion (Cymru) 2003’.

Mae’r fforwm yn cynnwys cynrychiolwyr ysgolion a chynrychiolwyr eraill. Mae’r cynrychiolwyr ysgolion yn cynnwys:

• penaethiaid
• llywodraethwyr

Mae’r cynrychiolwyr eraill yn cynnwys:

• swyddogion awdurdodau lleol
• cynrychiolwyr undebau llafur
• cynghorwyr

Ni ddylai cyfanswm y cynrychiolwyr heb fod o ysgolion fod yn fwy na 25% o gyfanswm aelodaeth y fforwm.

Mae Fforwm Cyllidebau Ysgolion Pen-y-bont ar Ogwr yn cyfarfod deirgwaith y flwyddyn o leiaf, neu unwaith y tymor. Fel rheol mae’n cyfarfod yn unol â’r amserlen ar gyfer pennu cyllideb y cyngor a’r Strategaeth Ariannol Tymor Canolig.

Mae’r fforwm yn ystyried ac yn cyflwyno sylwadau ar ymgynghoriadau perthnasol i’r canlynol:

• newidiadau arfaethedig i’r fformiwla cyllido ysgolion a’i heffaith ariannol
• telerau contract arfaethedig ar gyfer cyflenwadau neu wasanaethau i ysgolion
• trefniadau ar gyfer addysgu disgyblion sydd â datganiadau o anghenion addysgol arbennig
• trefniadau ar gyfer defnyddio unedau cyfeirio disgyblion ac addysgu plant heb fod yn yr ysgol
• trefniadau ar gyfer addysg blynyddoedd cynnar
• trefniadau ar gyfer yswiriant
• newidiadau arfaethedig i gyllido cynlluniau ysgolion
• trefniadau gweinyddol ar gyfer dyrannu grantiau’r llywodraeth ganolog
• trefniadau ar gyfer prydau ysgol am ddim

Cysylltu