Casglu sbwriel
Gweld eich diwrnod casglu gwastraff ac ailgylchu.
Rydyn ni’n cynnig casgliad bagiau glas bob pythefnos ar gyfer deunyddiau nad oes modd eu hailgylchu, drwy ein casgliad ailgylchu o ymyl y ffordd. Ar gyfer y rhan fwyaf o gartrefi, ceir cyfyngiad o ddau fag glas bob pythefnos.
Rhowch eich bagiau mas ar ôl 7pm y noson cyn y casgliad, a chyn 7am ar ddiwrnod eich casgliad. Peidiwch â rhoi bagiau mas yn gynnar oherwydd gall achosi problemau sbwriel.
Gallai trigolion sy’n rhoi eu bagiau mas y tu allan i’r oriau hyn gael Hysbysiad Cosb Benodedig o £100 neu gael eu herlyn hyd yn oed dan Ddeddf Diogelu'r Amgylchedd 1990.
Byddwch yn ofalu wrth roi eich bagiau mas i’w casglu – peidiwch â blocio’r palmant.
Lapiwch eitemau miniog, fel gwydr wedi torri. Os na chaiff y rhain eu lapio’n ofalus, gallant anafu’r gweithredwr gwastraff. Ni ellir ailgylchu Pyrex a dylai fynd mewn bagiau glas hefyd.
Gall amseroedd y casgliadau amrywio oherwydd amgylchiadau nad oes modd eu rhagweld, fel tywydd garw.
Peidiwch â rhoi’r canlynol mewn bagiau gwastraff glas:
- gwastraff gardd
- eitemau DIY, gan gynnwys paent, tuniau paent, cerrig, graean, rwbel, gwastraff adeiladwyr neu deils
- gwastraff clinigol, gan gynnwys gwastraff meddygol neu nodwyddau
- anifeiliaid marw
- olew coginio neu injan
- eitemau trydanol
- gwastraff masnachol
- gwastraff peryglus, gan gynnwys toddyddion, cemegion, paent, olew injan, batris, tiwbiau fflworoleuol, bylbiau golau yn cynnwys mercwri, gwenwyn neu abwyd
- asbestos
I helpu i ddiogelu’r amgylchedd, ailgylchwch gymaint â phosibl.
Archebu bagiau glas
I archebu mwy o fagiau glas, cysylltwch â ni. Gallem eich helpu i ailgylchu mwy fel nad ydych yn rhedeg allan eto yn y dyfodol.
Pethau miniog a gwastraff clinigol
Nid ydym yn casglu gwastraff clinigol na theclynnau miniog sy’n cael eu cynhyrchu mewn lleoliad domestig. Cysylltwch â Bwrdd Iechyd Prifysgol Cwm Taf os oes arnoch angen cael gwared ar yr eitemau hyn.
Gwneud cais am roi bagiau sbwriel ychwanegol allan bob pythefnos
| Amgylchiadau'r cartref | Nifer y bagiau sbwriel ychwanegol y gellir gwneud cais amdanynt |
|---|---|
| Pump neu lai o breswylwyr. | Dim. |
| Chwech neu saith o breswylwyr. | Un. |
| Wyth neu fwy o breswylwyr. | Dau. |
| Cartrefi gyda thân glo sy’n cynhyrchu llwch fel y brif ffynhonnell o wres. | Un. |
Er enghraifft, gallai cartref ar gyfer wyth o bobl gyda thân glo sy’n cynhyrchu llwch fel y brif ffynhonnell o wres gael tri bag sbwriel ychwanegol. Fodd bynnag, mae’r cyfyngiad i ddau fag yn bosib ar gyfer teulu o bump ar gyfartaledd.
Os ydych chi’n cael bagiau ychwanegol ond eu bod yn dod i ben, gofynnwch am ragor ar recyclingandwaste@bridgend.gov.uk.