Fforwm newydd ar gyfer gofalwyr di-dâl ym Mwrdeistref Sirol Pen-y-bont ar Ogwr

Mae cyfle i ofalwyr di-dâl ym Mwrdeistref Sirol Pen-y-bont ar Ogwr lywio a dylanwadu ar wasanaethau cymorth lleol drwy fforwm newydd ar gyfer gofalwyr.

Mae'r fforwm yn cynnig cyfle i ofalwyr leisio eu barn am y gefnogaeth sydd ar gael yn lleol, helpu i lywio’r gwasanaethau sy’n bwysig iddyn nhw, a chyfarfod â gofalwyr di-dâl eraill. Mae'r fforwm yn darparu cyfle gwych i ofalwyr leisio eu barn a helpu eu gwasanaethau lleol i ddeall anghenion cefnogi gofalwyr.

Diffinnir gofalwr fel unrhyw un sy’n gofalu’n ddi-dâl am ffrind neu aelod o’r teulu oherwydd salwch, anabledd, problem iechyd meddwl, neu ddibyniaeth ddifrifol ar gyffuriau.

Rhedir y fforwm gan Lesiant Gofalwyr Pen-y-bont, sy’n rhan o’r elusen TuVIda, gwasanaeth sy’n cynnig cefnogaeth ymarferol ac emosiynol i ofalwyr di-dâl yn yr ardal leol. Nid oes angen unrhyw gymhwyster na sgiliau penodol er mwyn mynychu.

Mae TuVida yn elusen sy’n cynnig cymorth i ofalwyr di-dâl, a’r bobl maent yn gofalu amdanynt. Rydym yn darparu ein gwasanaethau ledled y DU.

Mae gwasanaeth Llesiant Gofalwyr Pen-y-bont ar Ogwr yn cefnogi gofalwyr di-dâl ym Mhen-y-bont ar Ogwr. Gall ein tîm cyfeillgar helpu gofalwyr gyda:

• Cyngor ar ofalu
• Mynediad at seibiant i ofalwyr
• Grwpiau cymorth 
• Hyfforddiant am ddim 
• Grantiau gofalwyr
• Cyngor ar iechyd a llesiant
• Aelodaethau rhatach ac am ddim

Mae TuVida yn bartner Carers Trust Network. Rydym wedi cofrestru gyda’r Comisiwn Ansawdd Gofal.

Ceir rhagor o wybodaeth ynghylch gwasanaeth Llesiant Gofalwyr Pen-y-bont ar Ogwr yma: www.tuvida.org/bridgend