Digwyddiad ‘Gŵyl Llesiant’ yn dod i Ben-y-bont ar Ogwr

Mae tîm Cyflogadwyedd Pen-y-bont ar Ogwr yn trefnu digwyddiad ‘Llwybrau Cadarnhaol, Gŵyl Llesiant’ ddydd Iau 29 Mehefin yn y Neuadd Fowlio, Canolfan Fywyd Halo Pen-y-bont ar Ogwr.

Mae’r digwyddiad yn rhan o ail-lansiad Cyflogadwyedd Pen-y-bont ar Ogwr ar ôl croesawu cyllidwyr newydd. Drwy gyllid Cymunedau am Waith+ Llywodraeth Cymru a Chronfa Ffyniant a Rennir Llywodraeth y DU, mae tîm Cyflogadwyedd Pen-y-bont ar Ogwr yn gallu cefnogi llesiant fel rhan o’r daith gyflogadwyedd, cam hanfodol cyn i bobl ymgymryd â hyfforddiant neu waith.

Bydd y digwyddiad am ddim, a fydd yn agored i bawb, yn cael ei gynnal rhwng 11am - 3pm, a bydd yn cynnwys sgyrsiau llesiant, crefftau, aromatherapi, ioga, triniaethau harddwch, rhythm a rhigwm, teithiau ricsio a fan goffi’n cynnig coffi am ddim, a llawer mwy!

Mae amserlen lawn o sgyrsiau llesiant i’w gweld isod:

Amser	Gweithgaredd	Gasebo
11:15 – 11:45	Mind	1
11:15 – 11:45	Rhythm a Rhigwm	3
11:30 – 12:00	Lads and Dads	2
12:00 – 12:30	Ymddiriedaeth St Giles	1
12:00 – 12:30	Menshed	3
12:15 – 12:45	Case UK	2
12:45 – 13:15	Mind	1
12:45 – 13:15	Lads and Dads	3
13:00 – 13:30	Ymddiriedaeth St Giles	2
13:30 – 14:00	Case UK	1
13:30 – 14:00	Menshed	3

Mae’r digwyddiad yn dwyn ynghyd ystod eang o sefydliadau sy’n cynnig gweithgareddau, cyngor a chymorth, gan gynnwys gweithgareddau llesiant mwy traddodiadol, fel ymwybyddiaeth ofalgar, yn ogystal â gemau, grwpiau gweu a sgwrsio, crefftau, cerdded, sesiynau rhoi cynnig ar wallt a harddwch, ffitrwydd, ac ioga.

Rwy’n falch o weld Cyflogadwyedd Pen-y-bont ar Ogwr yn mynd i’r afael â llesiant fel rhan hanfodol o’u gwaith wrth gefnogi pobl Bwrdeistref Sirol Pen-y-bont ar Ogwr.

Mae llesiant yn gam cyntaf hanfodol ar y daith gyflogadwyedd.

Drwy feithrin cysylltiadau rhwng cyfranogwyr a grwpiau cymorth, cyngor a chymunedol lleol, mae gan gyfranogwyr y cyfle i fagu hyder a llesiant cyffredinol, er mwyn bod mewn gwell sefyllfa i gael mynediad at yr hyfforddiant a’r cymorth sydd ei angen arnynt i lwyddo.

Cynghorydd Neelo Farr, yr Aelod Cabinet dros Ddiogelwch a Llesiant Cymunedol