Swyddi Gwaith Cymdeithasol a Gofal Cymdeithasol
Dyma adeg gyffrous i ymuno â’n tîm gofal cymdeithasol wrth i ni barhau i ail-fodelu’r ffordd rydym yn bodloni anghenion plant ac oedolion ym Mwrdeistref Sirol Pen-y-bont ar Ogwr sydd angen ein cefnogaeth, yn unol â Deddf Gwasanaethau Cymdeithasol a Llesiant (Cymru) 2014 Llywodraeth Cymru - cyfraith a fydd yn rhoi mwy o gyfleoedd i gleientiaid ddweud eu dweud am y gofal a’r gefnogaeth maent yn eu derbyn.
Mae Bwrdeistref Sirol Pen-y-bont ar Ogwr yn lle gwych i weithio. Gallwch ddisgwyl cyfleoedd gwaith gwych ac amgylchedd dysgu cefnogol. Byddwn yn eich cefnogi i greu gyrfa gyffrous ym maes gofal cymdeithasol, o fewn sefydliad blaengar sy’n datblygu.
Yn ddibynnol ar y rôl, nid oes angen cymwysterau arnoch bob amser, byddwn yn darparu’r hyfforddiant a’r cymwysterau cywir. Yr hyn sy'n bwysig yw bod â'r gwerthoedd, agwedd ac ymddygiad cywir er mwyn gweithio'n effeithiol gyda phobl sydd angen gofal a chymorth.
Gofal Cymdeithasol
Mae ein gweithwyr gofal yn helpu pobl sy’n agored i niwed i fyw mor annibynnol â phosibl, o fewn eu cartref neu sefydliadau preswyl eu hunain.
Gwaith Cymdeithasol
Mae ein Gweithwyr Cymdeithasol yn helpu i warchod plant ac oedolion bregus rhag niwed a chamdriniaeth, a chefnogi pobl i fyw’n annibynnol.
Newyddion Diweddaraf
Apêl Siôn Corn 2024
Gwnewch Nadolig ym Mwrdeistref Sirol Pen-y-bont ar Ogwr yn amser hapusach drwy gyfrannu at Apêl Siôn Corn mewn partneriaeth ag Awen a Halo Leisure.
Mae ein timau gwasanaethau cymdeithasol a llesiant yn annog pobl i gyfrannu at Apêl Siôn Corn 2024 i ddod ag ychydig o hapusrwydd i blant bregus a phobl ifanc y Nadolig hwn.
Ffefrir rhoddion ariannol er mwyn prynu anrhegion sy’n addas i blant a phobl ifanc o'u geni hyd at 21 mlwydd oed.
Mae rhoi yn broses hawdd, gallwch roi ar-lein ar dudalen 'Just Giving' Awen, sydd ar agor tan ddydd Gwener 13 Rhagfyr 2024.
Pe byddai'n well gennych chi roi anrheg fel cyfraniad, danfonwch eich anrheg newydd, heb ei lapio, mewn bag rhodd i'r pwyntiau gollwng dynodedig canlynol rhwng dydd Llun 18 Tachwedd a dydd Gwener 29 Tachwedd 2024:
- Swyddfeydd Dinesig, Stryd yr Angel, Pen-y-bont ar Ogwr
- Pyle Library
- Porthcawl Library
- Maesteg Sports Centre and Swimming Pool
- Garw Valley Leisure Centre
Mae oriau agor y llyfrgelloedd ar gael ar wefan Awen Libraries: https://www.awen-libraries.com/
Ceir rhagor o fanylion ynghylch yr apêl ar ein gwefan: https://www.bridgend.gov.uk/cy/newyddion/gwnewch-y-nadolig-yn-amser-hapusach-drwy-gyfrannu-at-apel-sion-corn/
"Mae'n fraint gweithio ochr yn ochr â'r fath gydweithwyr talentog, ymroddedig ac er gwaetha'r heriau rwy'n gwybod y byddwn yn parhau i wneud gwahaniaeth am y gorau ar gyfer pobl a chymunedau Bwrdeistref Pen-y-bont ar Ogwr yn y flwyddyn nesaf yma" - Claire Marchant
Beth am ymuno â'n tîm?
- Datblygiad gyrfa parhaus, cymwysterau a chyfleoedd hyfforddiant achrededig.
- Hyblygrwydd ac opsiynau gweithio hybrid.
- Strwythur rheoli cefnogol.
- Gwneud gwahaniaeth i fywydau pobl
Gwnewch Gais Ar-lein
Er mwyn gwneud cais ar-lein, bydd rhaid i chi greu cyfrif ar-lein. Os ydych chi’n ddefnyddiwr presennol, mewngofnodwch ga ddefnyddio eich enw fel defnyddiwr a’ch cyfrinair.
Bydd hyn yn eich galluogi i arbed ceisiadau sydd ar eu canol a gweld ceisiadau wedi’u cyflwyno.
Cysylltwch â ni
Os oes gennych ddiddordeb mewn rôl neu os hoffech fwy o wybodaeth am ymuno â’n tîm, llenwch y ffurflen a byddwn yn cysylltu â chi. - Angen cadarnhau pwy fydd yn ymateb i’r ymholiadau drwy ffurflen.
Byw a Gweithio ym Mwrdeistref Sirol Pen-y-bont ar Ogwr
Mae gan Fwrdeistref Sirol Pen-y-bont ar Ogwr gymunedau ffyniannus sy'n byw ac yn gweithio yn nhrefi marchnad prysur Pen-y-bont ar Ogwr a Maesteg a thref glan môr Porthcawl.
Mae pobl yng Nghymru yn adnabyddus am eu natur groesawgar, ac mae’r fwrdeistref sirol yn cynnig cartref i bobl o bob cenedl gyda grwpiau ffydd ar gyfer pob crefydd a siopau bwyd arbenigol i bob diwylliant. Mae ein bwrdeistref sirol yn le gwych i fyw, i weithio, i astudio, i ymweld â hi, neu i symud iddi.