Ymddygiad gwrth-gymdeithasol
Mae Deddf Troseddau ac Anhrefn 1998 yn diffinio ymddygiad gwrth-gymdeithasol fel gweithredu mewn ffordd sy’n achosi neu’n debygol o achosi “aflonyddwch, pryder neu ofid i un neu fwy o bobl, heb fod o’r un teulu”.
Dyma esiamplau o ymddygiad gwrth-gymdeithasol:
- cymdogion sy’n niwsans, swnllyd neu anystyriol
- fandaliaeth, graffiti ac arwyddion anghyfreithlon
- yfed ar y stryd neu anhrefn cysylltiedig ag alcohol
- ymddygiad sy’n cam-drin
- difrod amgylcheddol, gan gynnwys sbwriel, taflu sbwriel yn anghyfreithlon a gadael ceir
- defnydd anystyriol neu amhriodol o gerbydau
- gweithgarwch cysylltiedig â phuteiniaid
- begera a chardota
- camddefnyddio tân gwyllt
Os ydych yn cael problemau’n ymwneud ag ymddygiad gwrthgymdeithasol, rhowch wybod i Heddlu De Cymru ar-lein.
Mewn argyfwng, ffoniwch 999.
Os mai mater i’r cyngor yw hwn, fel taflu sbwriel yn anghyfreithlon, dylech gysylltu â’r cyngor.
Os yw’n fater amddiffyn y cyhoedd, er enghraifft, llygredd sŵn, cysylltwch â’r Gwasanaethau Rheoleiddiol a Rennir.
Ochr yn ochr â’n hasiantaethau diogelwch cymunedol partner, mae gennym gyfrifoldeb i ddelio ag ymddygiad gwrth-gymdeithasol a helpu pobl sy’n dioddef ohono.
Mae’r bartneriaeth diogelwch cymunedol yn cydlynu ymateb amlasiantaeth i adroddiadau am ymddygiad gwrth-gymdeithasol. Nid yw’r cyhoedd yn gallu cyfeirio atom ni; rhaid iddynt roi gwybod am achosion o ymddygiad gwrth-gymdeithasol i un o’n sefydliadau partner, fel yr heddlu.
Rydym yn derbyn adroddiadau am ymddygiad gwrth-gymdeithasol gan asiantaethau partner, gan gynnwys ysgolion, yr heddlu, y gwasanaeth iechyd a chymdeithasau tai.
Sbardun Cymunedol De Cymru/Adolygiad Achos Ymddygiad Gwrth-Gymdeithasol
Mae Sbardun Cymunedol De Cymru’n/Adolygiad Achos Ymddygiad Gwrth-Gymdeithasol rhoi i ddioddefwyr ymddygiad gwrth-gymdeithasol yr hawl i gael adolygu eu hachos.
Gall rhywun sydd wedi profi ac adrodd am dri digwyddiad o ymddygiad gwrthgymdeithasol mewn chwe mis neu un digwyddiad neu drosedd wedi'i ysgogi gan gasineb (digwyddiad casineb/trosedd) a adroddwyd gan un person ddechrau adolygiad o'i achos.
Nid yw Adolygiad Achos ASB yn broses gwyno. Os ydych am wneud cwyn am ymddygiad unigolyn neu sefydliad, rhaid i chi ddefnyddio trefn gwyno'r sefydliad penodol hwnnw.
Gallwch gysylltu â’ch cydlynydd sbardun cymunedol ar gyfer bwrdeistref sirol Pen-y-bont ar Ogwr gan ddefnyddio’r wybodaeth ganlynol.