Gwarchodfa Natur Leol Craig y Parcau
Yn fwy na thri phwynt dau hectar, mae Craig y Parcau yn goetir derw ac ynn ar lethr serth ar lan Afon Ogwr. Mae’n hafan i fywyd gwyllt gyda sawl llwybr troed. Rydym yn ei rheoli fel bod y gymuned leol yn gallu dod yn agos at natur.
Llwybrau yng Nghraig y Parcau
Mae llwybr cylch sy’n rhyw dri chwarter milltir. Mae’n eithaf gwastad mewn mannau ond mae angen i chi allu dringo stepiau. Mae rhai rhannau’n fwdlyd ac yn anwastad. Cadwch lygad am y pyst cyfeirio robin goch a fydd yn helpu i’ch arwain chi o amgylch y warchodfa.
Mae’r llwybr uchaf drwy’r coed yn rhan o Daith Gylch Afon Ogwr a Merthyr Mawr, a gallech barhau ar hyd hwn.
Rhywogaethau o blanhigion:
- ynn
- clychau’r gog
- rhedyn tafod yr hydd
- y goesgoch
- llygad Ebrill
- derw digoes
- blodau’r gwynt
- suran y coed
- marddanhadlen felen
Rhywogaethau o anifeiliaid:
- titw tomos las
- siff saff
- ystlum Daubenton
- cnocell werdd
- glas y dorlan
- dyfrgi
- robin goch
- dringwr bach
- telor yr helyg
Dylai pobl sy’n chwilio am ddyfrgwn geisio canfod eu tail olewog sydd fel rheol ar garreg amlwg ar lan afon, lle maent yn debygol o fod yn nythu.
Os gwelwch chi y rhain neu rywogaethau eraill yma, tynnwch lun a’i ddangos i ni ar gyfryngau cymdeithasol.
Cerflun ceidwad natur
Mae’r parc yma’n cynnwys Ceidwad Ogwr.
Hanes lleol
Mae’r goedwig yn agos at ‘Y Maen Dawnsio’. Yn ôl y chwedl, pan mae’r ceiliog yn canu ar fore’r Nadolig, mae’r maen hynafol yn dawnsio i lawr i’r afon i ymolchi.
Lleoliad:
Gwarchodfa Natur Leol Craig y Parcau
Cyfeiriad:
Heol Park Court,
Pen-y-bont ar Ogwr,
CF31 4AH.
Mae meysydd parcio cyhoeddus ar gael yng nghanol tref Pen-y-bont ar Ogwr, sydd ychydig gannoedd o fetrau o’r goedwig.
Gwirfoddoli neu drefnu trip ysgol yma
Os ydych chi eisiau helpu’r safle yma, beth am drefnu ymweliad addysgol, neu wirfoddoli yng nghefn gwlad yn gyffredinol - cysylltwch â ni.
Cyswllt
Cyngor Bwrdeistref Sirol Pen-y-bont ar Ogwr
E-bost:
Biodiversity@bridgend.gov.uk